Скопје, 18 август 2024 (МИА) - Рано утрово околу 1:15 часот во СВР - Скопје било пријавено дека на излезот од Шуто Оризари кон село Визбегово, скопско, била фрлена експлозивна направа во склад за градежни материјали, сопственост на И.Т., 45-годишник од селото при што била оштетена влезната врата од објектот и дел од инвентарот, соопштуваат од Министерството за внатрешни работи.

Од МВР информираат дека нема повредени лица, а увид извршила екипа од СВР - Скопје.

Посочуваат дека преземаат мерки за расчистување на случајот. фф/вг/

Фото: МИА Архива