Во посета на општина Маврово и Ростуше заменик - градоначалникот на турската општина Јунусемре, по потекло од Река
- Во посета на општина Маврово и Ростуше беше Џенгиз Балкан, заменик - градоначалник на општина Јунусемре, Маниса од Република Турција, кој по потекло е од Река.
![Во посета на општина Маврово и Ростуше заменик - градоначалникот на турската општина Јунусемре, по потекло од Река](https://new.mia.mk/index.php/images/20240814175910_big_730x400_96.webp )
Дебар, 14 август 2024 (МИА) - Во посета на општина Маврово и Ростуше беше Џенгиз Балкан, заменик - градоначалник на општина Јунусемре, Маниса од Република Турција, кој по потекло е од Река.
-Во посета на нашата општина заедно со нашиот пријател Џенгиз Балкан, беа и негови соработници, со кои имавме срдечна средба и разговор. Имаме одлична соработка со општина Јунусемре која резултира со взаемни посети на официјални лица и фолклорни групи a во наредниот период се надеваме и на уште поголема соработка посебно во насока на обезбедување турски инвестиции, информираше градоначалникот Медат Куртовски.
Додаде дека гостинот, всушност е дома, во крајот од каде е неговото потекло.
- По потекло е од нашиот крај, по татко од село Болетен а по мајка е од село Велебрдо. При оваа посета му ја исполнивме големата желба да ги посети нивните родни места, рече Куртовски.
Џенгиз Балкан претходно три мандати бил градоначалник на општината Кучуккоју, Чанаккале. вт/дма/
Фото: Општина Маврово и Ростуше