Во Охрид отворена Летната школа по македонски јазик за деца на иселениците
- Триесет ученици од Норвешка, Малта, Словенија, Франција, Германија, САД, Русија, Австрија и Србија следните шест дена ќе следат настава по мајчин, македонски јазик, ќе имаат спортски активности, како и посети на културно-историските знаменитости на Охрид.
![Во Охрид отворена Летната школа по македонски јазик за деца на иселениците](https://new.mia.mk/index.php/images/20230727110437_big_730x400_57.webp )
Охрид, 27 јули 2023 (МИА) – Во организација на Агенцијата за иселеништво во Охрид започна Летната школа по македонски јазик за деца на нашите иселеници.
Триесет ученици од Норвешка, Малта, Словенија, Франција, Германија, САД, Русија, Австрија и Србија следните шест дена ќе следат настава по мајчин, македонски јазик, ќе имаат спортски активности, како и посети на културно-историските знаменитости на Охрид.
Учесниците на Школата ги поздрави директорот на Агенцијата за иселеништво, Слободан Близнаковски, им заблагодари за интересот за учество и учење на мајчиниот јазик и им посака пријатен и незаборавен престој во татковината. аб/лв/
Фото/Агенција за иселеништво