Во Орегон повторно задолжителни маските на отворено
- Маските повторно ќе бидат задолжителни на отворено во Орегон, соопшти гувернерката на таа американска сојузна држава, во услови кога САД се борат со зголемување на случаи на Ковид-19.
![Во Орегон повторно задолжителни маските на отворено](https://new.mia.mk/index.php/images/20221108150231_big_730x400_99.webp )
Салем, 25 август 2021 (МИА) - Маските повторно ќе бидат задолжителни на отворено во Орегон, соопшти гувернерката на таа американска сојузна држава, во услови кога САД се борат со зголемување на случаи на Ковид-19.
Со одредбата, која стапува во сила во петок, северозападната држава ќе биде првата во САД што повторно ќе воведе правило што беше вообичаено во најтешките денови на пандемијата.
- Делта варијантата се шири брзо и далекусежно, затоа нашата земја е на ниво на криза без преседан во пандемијата, рече гувернерката Кејт Браун.
- Бројот на заразени и хоспитализирани е на рекордно високо ниво, рече таа. Истражувањето од 2019 година покажа дека Орегон е меѓу сојузните држави со најмал број болнички кревети по глава на жител во земјата.
- Се покажа дека маските се ефикасни во намалувањето на бројот на заразени, и во моментов тоа е неопходна мерка дури и на отворено, за да се помогне во борбата против коронавирусот и да се заштитиме едни со други, додаде Браун.
Правилата значат дека секој - вакциниран и невакциниран - мора да носи маска на секое јавно место каде што се мешаат луѓе од различни домаќинства. јт/