Во општина Маврово и Ростуше утре ќе се спроведе теристичка ларвицидна дезинсекција
- Општина Маврово и Ростуше информираше дека во петок ќе биде спроведена теристичка ларвицидна дезинсекција, согласно Законот за заштита на населението од заразни болести, а врз основа на одлуката на Советот на општината.
![Во општина Маврово и Ростуше утре ќе се спроведе теристичка ларвицидна дезинсекција](https://new.mia.mk/index.php/images/20240612162338_big_730x400_42.webp )
Дебар, 13 јуни 2024 (МИА) - Општина Маврово и Ростуше информираше дека во петок ќе биде спроведена теристичка ларвицидна дезинсекција, согласно Законот за заштита на населението од заразни болести, а врз основа на одлуката на Советот на општината.
-Се известуваат граѓаните на подрачјето на општина Маврово и Ростуше дека на ден 14 јуни (петок) општината во договор со екипата на ЈЗУ Центар за јавно здравје-Тетово - Одделение за епидемиологија од Гостивар ќе спроведува теристичка ларвицидна дезинсекција. Дезинсекцијата ќе се врши со УЛВ апарат, а ќе бидат опфатени зелени површини и канали, стои во објавата на општината.
Се напомнува дека поради спецификата на работата активностите ќе се вршат преку ден, почнувајќи од 9 часот. Поради тоа, се замолуваат пчеларите и пчеларските задруги да ги преземат соодветните мерки за заштита на пчелите.
Во случај на појава на неповолни временски услови, како ветар, дожд, дезинсекцијата се одложува за следниот поволен ден. вт/сст/
фото МИА архива