Во Општина Градско започна проектот за зајакнување на општинските Совети-фаза 2
- Како што информираат од Општина Градско, втората фаза од проектот за зајакнување на општинските Совети е финансиран од Швајцарската влада и Министерство за локална самоуправа, а ја спроведува и ко-финансира UNDP MK во соработка со национални и локални партнери.
![Во Општина Градско започна проектот за зајакнување на општинските Совети-фаза 2](https://new.mia.mk/index.php/images/20230406171948_big_730x400_55.webp )
Велес, 6 април 2023 (МИА) - Во наредните 15 месеци, Општина Градско ќе работи на подобрување на капацитетите за транспарентно, одговорно и квалитетно испорачување на локалните услуги за граѓаните, во рамките на проектот „Зајакнување на општинските Совети-фаза 2“.
Како што информираат од Општина Градско, втората фаза од проектот за зајакнување на општинските Совети е финансиран од Швајцарската влада и Министерство за локална самоуправа, а ја спроведува и ко-финансира UNDP MK во соработка со национални и локални партнери.
Преку оваа програма Општина Градско обезбеди грант од 30 илјади до 50 илјади долари, за проект кој ќе го изберат жителите на општината, како и 10 илјади до 12 илјади долари кои ќе бидат наменети за дигитална алатка за поголема транспарентност и отчетност. ад/аа/
Фото: МИА