Во Нигерија киднапирани најмалку 60 луѓе
- Вооружени напаѓачи денеска киднапираа најмалку 60 луѓе во северозападниот дел на Нигерија
![Во Нигерија киднапирани најмалку 60 луѓе](https://new.mia.mk/index.php/images/20221107232927_big_730x400_67.webp )
Абуџа, 17 јули 2021 (МИА) - Вооружени напаѓачи денеска киднапираа најмалку 60 луѓе во северозападниот дел на Нигерија.
Напаѓачите синоќа на мопеди влегле во пет села во нигериската држава Замфара и почнале да пукаат во воздух, предизвикувајќи паника и киднапирале најмалку 60 цивили.
Во Нигерија зголемени се вооружените грабежи и киднапирања за откуп, главно во северозападните области, каде обезбедување честопати не успева да ги спречи нападите на киднаперите. ми/