Неготино, 15 ноември 2024 (МИА) - Во Неготино денеска беше промовиран реставриран стар автомобил од колекцијата на колекционерот Пашлаков, за кој пред неколку години беше снимен и документарен филм. За ова информираше неговата сопруга Грозданка преку статус на „Фејсбук“. 

- По повод четири години од смртта на Дионис Пашлаков, познат на градот Неготино и пошироката јавност, денеска свечено е претставен реставриран автомобил „Спачек“ од големата збирка што Дионис ја остави позади себе. Овој настан беше организиран од страна на клубот „Олдионис“, што овие години упорно работеше на овој проект. Автомобилот е произведен 1975 година и сега како готов е спремен да се придружи на останатата колекција реставрирани автомобили, напиша Пашлакова. 

Пензионираниот професор Пашлаков беше познат по големата колекција на стари автомобили и по неговата љубов кон нив. свд/са/

Фото: „Фејсбук“ профил на Грозданка Пашлакова