Скопје, 10 март 2025

Започнуваме со изградба на два значајни локални патни правци во нашата општина. Денеска, успешно ја завршивме постапката за јавна набавка за изградба на:

- Локален пат во село Саса, од споменикот на Вера Јоциќ до Манастирот Св. Архангел Михаил, со должина од 1.420 метри и инвестиција од 7.000.950 денари, и
- Локален пат во село Косевица, кој ќе го поврзе селото со маалото Караџевци, со должина од 1.500 метри и вредност од 7.047.790 денари.

Со ефикасното планирање и со транспарентно спроведената постапка, остваривме заштеда од приближно 2,6 милиони денари - средства кои ќе бидат насочени кон нови инфраструктурни проекти.

Со реализацијата на овие патни правци, чија изградба ќе трае 6 месеци, значително го подобруваме пристапот до нашите значајни локации, како што е Манастирот Св. Архангел Михаил и условите за секојдневно движење на жителите од крајните населени места во Македонска Каменица.

Ова е уште едно исполнето ветување кон граѓаните, со што покажуваме дека нашата работа се темели на конкретни резултати. Продолжуваме со вложувања во инфраструктурата и изградба на подобра иднина за сите граѓани на Општина Македонска Каменица!

Ваш градоначалник,
Димчо Атанасовски

Фото: Општина Македонска Каменица

__________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.