Во Кавадарци се реализира еко проект „Природата поблиску до граѓаните“
- Во Кавадарци се реализира еко проект „Природата поблиску до граѓаните“, финансиран од Министерство за животна средина и просторно планирање на РСМ, информираа денеска од регионалниот еколошки центар „Еко – живот“.
![Во Кавадарци се реализира еко проект „Природата поблиску до граѓаните“](https://new.mia.mk/index.php/images/20231006105832_big_730x400_57.webp )
Кавадарци, 6 октомври 2023 (МИА) – Во Кавадарци се реализира еко проект „Природата поблиску до граѓаните“, финансиран од Министерство за животна средина и просторно планирање на РСМ, информираа денеска од регионалниот еколошки центар „Еко – живот“.
- Со спроведување на проектот „Природата поблиску до граѓаните – заштита на природата, мониторинг и заштита на биодиверзитетот на подрачје на Кожуф планина, Козјак, висорамнина Витачево, Тиквешко Езеро и Дреновска Клисура“ ќе се постигне дефиниран биодиверзитет – идентификувани видови растенија и животни, видови во истребување, ретки видови, утврдени приоритети на делување за заштита на природата во овој регион, појасни Александра Бојкова Паризова, проектен координатор.
Таа нагласи дека со документирање на постоечката флора и фауна ќе се подигне свеста на граѓаните за заштита на природата и доближување на природата до нив.
- Спроведена е обука на промотори за заштита на загрозените и ендемични видови на растенија и животни, како и интерактивна работилница за заштита на природата и биодиверзитетот во склоп на еко – едукативниот центар, во склоп на проектот се и едукативни табли пред еко – едукативниот центар, додаде Бојкова Паризова. свд/ир
Фото: „Еко – живот“