Кавадарци, 21 октомври 2023 (МИА) -  Во Кавадарци започна обука за млади да користат машини за реупотреба на мебел, со цел намалување на цврстиот отпад и заштита на животната средина, информираше денеска Роберто Паризов, претседател на регионалното еколошко друштво ,,Еко - живот". 

- Започнавме со обуката за безбедно ракување со столарски и слични машини која се спроведува во склопот на проектот „Примена на позитивни еколошки практики за намалување на негативното влијание на цврстиот отпад врз животната средина и глобалното затоплување“,  финансиран од Програмата за мали грантови (ПМГ) на Глобалниот еколошки фонд (ГЕФ), а спроведуван од НВО ,,Еко - живот" Кавадарци и од СОУ „Ќиро Спанџов Брко", соопшти Паризов. 

Обуката ќе се спроведува во период од шест недели, еднаш неделно, во текот на месец октомври и ноември 2023 година. свд/дма/

Фото : ,,Еко - живот"