Во Италија продолжува да се намалува бројот на смртните случаи од Ковид-19
- Бројот на смртни случаи од коронавирусот во Италија денеска се зголеми за 55, што е намалување во однос на вчерашниот кога изнесуваше 60, објави денеска Агенцијата за цивилна заштита.
![Во Италија продолжува да се намалува бројот на смртните случаи од Ковид-19](https://new.mia.mk/index.php/images/20221104000439_big_730x400_81.webp )
Рим, 2 јуни 2020 (МИА) - Бројот на смртни случаи од коронавирусот во Италија денеска се зголеми за 55, што е намалување во однос на вчерашниот кога изнесуваше 60, објави денеска Агенцијата за цивилна заштита.
Бројот на новозаразени со Ковид-19 денеска се зголеми за 318 во однос на вчерашниот ден, кога изнесуваше 178.
Вкупниот број на смртни случаи во Италија е 33.530, и земјата е на трето место во светот според оваа црна статистика после САД и Велика Британија.
Бројот на заразени со коронавирусот се искачи на вкупно 233.515, што е шести највисок број во светот.
Од 318 новозаразени, 187 се во северниот регион Ломбардија, кој беше најтешко погодено од епидемијата.
Од утре во Италија ќе биде дозволено движење низ целата земја, поради што некои регионални гувернери се плашат дека луѓето од Ломбардија ќе заразат луѓе во други региони.
Од коронавирусот во Италија се излекувале вкупно 160.092 лица, а досега се тестирани 2,477 милиони луѓе. јт/