Во Ирак откриена фабрика за производство на каптагон
- Ирачкото Министерство за внатрешни работи денеска соопшти дека открило фабрика за производство на каптагон на југот на земјата, која во последните години стана центар на трговијата со дрога.
![Во Ирак откриена фабрика за производство на каптагон](https://new.mia.mk/index.php/images/20230716192702_big_730x400_77.webp )
Багдад, 16 јули 2023 (МИА) - Ирачкото Министерство за внатрешни работи денеска соопшти дека открило фабрика за производство на каптагон на југот на земјата, која во последните години стана центар на трговијата со дрога.
„Денеска е откриена лабораторија за производство на каптагон“, соопшти локалното министерство, додавајќи дека фабриката е откриена во провинцијата Мутана, која граничи со Саудиска Арабија.
Министерството соопшти дека фабриката е „опремена со машини за правење каптагон апчиња“, но не прецизираше дали имало апсења.
Се проценува дека во Ирак, кој граничи со Сирија, Саудиска Арабија и Кувајт, има неколку фабрики за производство на оваа синтетичка дрога од групата амфетамини.
Во последните години во Ирак е зголемено производството и потрошувачката на овој наркотик. паг/
Фото: МИА архива