Газа, 8 април 2025 (МИА) - Најмалку 25 лица, меѓу кои осум деца и пет жени загинаа во синоќешните израелски напади врз Појасот Газа, соопшти денеска палестинската здравствена управа.

Во меѓувреме, израелскиот Врховен суд денеска сослушува сведочење во осум случаи со кои се оспорува контроверзната одлука на израелскиот премиер Бенјамин Нетанјаху за смена на шефот на агенцијата за внатрешна воена безбедност Шин Бет.

Израел во март го прекина примирјето со Хамас и ја прекина испораката на храна, гориво и хуманитарна помош за окупираната палестинска енклава, што групите за човекови права го нарекуваат воено злосторство.

Новите израелски наредби за раселување на Палестинците принудија стотици илјади луѓе да ги напуштат новите израелски бомбардирања и копнени воени операции.

Според податоците на палестинското Министерство за здравство во окупираната палестинска енклава, за време на израелската воена операција, која трае веќе 18 месеци, загинале повеќе од 50.000 Палестинци, главно жени и деца. Израел вети дека ќе ја ескалира војната додека Хамас не ги врати сите преостанати заложници, не се разоружа и не ја напушти територијата на Појасот Газа. рп/

Фото: МИА архива