Во Данска почна обуката на украинските пилоти за авионите Ф-16
- Владата на Данска денеска соопшти дека започнала обуката на украинските пилоти за авионите Ф-16
![Во Данска почна обуката на украинските пилоти за авионите Ф-16](https://new.mia.mk/index.php/images/20230626122553_big_730x400_37.webp )
Копенхаген, 26 јуни 2023 (МИА) - Владата на Данска денеска соопшти дека започнала обуката на украинските пилоти за авионите Ф-16.
Вршителот на должноста министер за одбрана Троелс Лунд Поулсен изјави дека Данска, членка на НАТО „презеде чекор за започнување на обука и понатамошно образование за украинските пилоти“.
- Ние исто така ќе разгледаме дали треба да дадеме конкретна донација од данските авиони Ф-16 на Украина и колкав број. Украинските пилоти мора да поминат шест до осум месеци обука пред можната донација на данските авион Ф-16 да стане реалност, посочи Поулсен.
Тој додаде дека авионите Ф-16 во Данска ќе бидат до 2024 година. ми/
фото: МИА архива