Во Грција регистриран негативен рекорд на смртни случаи од Ковид-19 во 2021 година
- Со починати 78 лица од Ковид-19 во изминатите 24-часа, Грција бележи нов негативен рекорд за 2021 година по бројот на смртните случаи, а меѓу починатите, според грчките медиуми е и 16 годишно
![Во Грција регистриран негативен рекорд на смртни случаи од Ковид-19 во 2021 година](https://new.mia.mk/index.php/images/20221107010449_big_730x400_82.webp )
Атина, 4 април 2021 (МИА) – Со починати 78 лица од Ковид-19 во изминатите 24-часа, Грција бележи нов негативен рекорд за 2021 година по бројот на смртните случаи, а меѓу починатите, според грчките медиуми е и 16 годишно девојче, јави дописничката на МИА од Атина.
Националната организација за јавно здравје на Грција соопшти 1.955 нови случаи на коронавирусот, а 749 пациенти се приклучени на апарати на Одделите за интензивна нега во грчките болници.
Според грчките медиуми, 16 годишното девојче, во бессознание вчера било примено во детска болница, а неуспешни биле обидите на лекарите да се врати во живот.
По направениот тест било потврдено дека е позитивно на Ковид-19, а обдукцијата ќе ги покаже причините за смртта.
Согласно официјалните податоци од Националната организација за јавно здравје, од почетокот на пандемијата починале три малолетни лица на возраст до 17 години.
Во Грција досега се регистрирани вкупно 275.414 позитивни случаи на Ковид-19, а починаа 8.380 лица. ср/