Во Германија, крадци однеле 2.000 телевизори и 16.000 четки за заби, штетата е 1,4 милиони евра
- Сѐ уште непознатите натрапници успеале да побегнат со одземените уреди. Меѓу украдените предмети е и сеф тежок повеќе од 100 килограми
![Во Германија, крадци однеле 2.000 телевизори и 16.000 четки за заби, штетата е 1,4 милиони евра](https://new.mia.mk/index.php/images/20231122131322_big_730x400_51.webp )
Дуизбург, 22 ноември 2023 (МИА) - Крадци упаднале во логистичко складиште во Дуизбург, западна Германија и украле 2.000 телевизори и 16.000 електрични четки за заби.
Сѐ уште непознатите натрапници успеале да побегнат со одземените уреди. Меѓу украдените предмети е и сеф тежок повеќе од 100 килограми, соопшти полицијата.
Се проценува дека пленот е вреден 1,4 милиони евра. Кражбата се случила овој викенд, но германската полиција вчера го објави соопштението.
Според надлежните органи, крадците упаднале во зградата преку прозорец. Најверојатно им требале неколку камиони за да ги однесат илјадниците украдени предмети. Истрагата за злосторството е во тек. Снимки од видеонадзорот, како и можни очевидци се земаат предвид. си/рп/
Фото: ЕПА