Во Велес утре прво заедничко чествување на Свети Трифун
- Општина Велес утре во 12 часот во Младинскиот парк организира прво заедничко чествување на празникот на лозарите и винарите „Свети Трифун“ со подршка на повеќе локални винарии и учество на музичари и групи, како и на учениците од ООМУ „Стефан Гајдов“.
![Во Велес утре прво заедничко чествување на Свети Трифун](https://new.mia.mk/index.php/images/20240213160044_big_730x400_44.webp )
Велес,13 февруари 2024(МИА) - Општина Велес утре во 12 часот во Младинскиот парк организира прво заедничко чествување на празникот на лозарите и винарите „Свети Трифун“ со подршка на повеќе локални винарии и учество на музичари и групи, како и на учениците од ООМУ „Стефан Гајдов“.
Како што информираат од Општина Велес, првото заедничко чествувањето на „Свети Трифун“, заштитникот на лозјата и виното, ќе помине во знакот на вреднување на она што е велешко.
Посетителите ќе уживаат во добри вина од локалните винарии „Шато Сопот“, „Old School“, „Тристо и Wine Gallery“, а за вкусната храна ќе се погрижи гостилница „Снупи“.
Посетителите ќе уживаат со музика од Отсекот за традициски инструменти при ООМУ „Стефан Гајдов", како и Стакато Бенд, Тони Андреев, Harmony Band и Мими Јовановска заедно со бендот на браќа Нуне.
-Бериќетно лозје за чаша добро вино. На здравје!,порачуваат од Општина Велес и ги покануваат на прославата сите заинтересирани граѓани.ад/фф/
Фото: Општина Велес