Во април почнува Државната одбојкарска лига за ветерани
- На 6 април со одржување на првиот турнир во Гевгелија ќе почне државната одбојкарска лига за ветерани, во која ќе учествуваат осум екипи.
![Во април почнува Државната одбојкарска лига за ветерани](https://new.mia.mk/index.php/images/20240130103018_big_730x400_46.webp )
Струмица, 30 јануари 2024 (МИА) - На 6 април со одржување на првиот турнир во Гевгелија ќе почне државната одбојкарска лига за ветерани, во која ќе учествуваат осум екипи.
Ваква одлука е донесена на вчерашната средба на претставници на клубовите која се одржа во Струмица.
- Во лигата ќе учествуваат екипи на ветерани од Струмица, Гевгелија, Велес, Прилеп, Штип, Тетово, Скопје и струмичко Сушево. Лигата ќе се игра турнирски и очекуваме да почнеме на 6 април со прв турнир во Гевгелија, изјави комесарот на Лигата, Тони Караколев.
На средбата биле усвоени и пропозиции за натпреварувањето и според нив во екипите можат да настапуваат поранешни одбојкари над 40 години старост, а натпреварите ќе се играат во два добиени сетови.
Донесена е и одлука да се формира Здружение на екипи на одбојкарски ветерани, а лигата ќе функционира во рамките на Одбојкарската федерација на Македонија. рт/зс/
Фото: Фејсбук