„Вордпад“ заминува во историјата
- Наместо „Вордпад“, технолошкиот гигант ќе го препорача „Ворд“ - платена програма којашто отсекогаш била многу побогата со функции и можности.
![„Вордпад“ заминува во историјата](https://new.mia.mk/index.php/images/20230904122504_big_730x400_79.webp )
Лос Анџелес, 4 септември 2023 (МИА) - „Мајкрософт“ веќе нема да го надградува „Вордпад“, а следи и целосно отстранување на таа програма од „Виндоус“. Инаку, „Вордпад“ е дел од оперативниот систем уште од верзијата „Виндоус 95“.
Наместо „Вордпад“, технолошкиот гигант ќе го препорача „Ворд“ - платена програма којашто отсекогаш била многу побогата со функции и можности.
„'Вордпад' веќе нема да се надградува и ќе биде отстранет од идните верзии на 'Виндоус'. Го препорачуваме 'Мајкрософт ворд' за долги текстуални документи како што се '.доц' и '.ртф' и 'Виндоус ноутпад' за обични текстуални документи како што е '.тx',“ соопшти компанијата.
„Мајкрософт“ претходно најави и ново подобрување на „Ноутпад“ со функции како автоматско зачувување написи и автоматско внесување јазичиња. Технолошкиот конгломерат го надгради „Ноутепад“ и во 2018. - првпат по повеќе години и продолжи со новите дополнувања во „Виндоус 11“. си/