Сент Мориц, 14 декември 2024 (МИА) - Линдзи Вон објави дека ќе се врати на Светскиот куп за прв пат по речиси шест години во два Супер-Џи слалома во Сент Мориц во Швајцарија на 21 и 22 декември.

Американската скијачка (40) се пензионираше во февруари 2019 година, но го најави своето враќање минатиот месец.

Вон се врати во конкуренција минатиот викенд во Копер Маунтин, Колорадо, што ја поттикна да одлучи да се натпреварува во Сент Мориц.

-Се борам со повреди од 2013 година и секоја година после тоа сум прилично повредена. Последните неколку години од мојата кариера беа попредизвикувачки отколку што мислев. Но, сега се чувствувам посилно отколку во доцните 20-ти. Страста за скијање никогаш не исчезна, едноставно не бев физички способна повеќе да го правам тоа. Па сега, кога имам можност физички да го работам она што го сакам, зошто не би се обидела? Животот е краток. Треба да го живеете секој ден во потполност и тоа е се што правам, изјави Вон.

Таа рече дека целиот нејзин изглед се променил откако коската на коленото и била заменета со титаниум, што и овозможило целосно да ја исправи десната нога за прв пат по неколку години.

-Многу брзо по операцијата, и во процесот на рехабилитација, веќе правев работи што не ги правев со години. Моето тело едноставно функционираше подобро. Очигледно сум многу посреќна бидејќи не ме боли 24 часа на ден, станувам посилна, подобра и побрза отколку што бев“, додаде четирикратната освојувачка на Светскиот куп, која има 82 победи во Светското првенство и три олимписки медали, вклучително и еден златен.

-Иако сум многу возбудена што ќе учествувам, дефинитивно имам цели и очекувања. Се обидувам да бидам колку што е можно потрпелива на ова патување. Одам чекор по чекор, не прескокнувам чекор. Знам дека моето патување до конкурентно ниво може да потрае една или две трки, но дефинитивно имам намера да врата, таму каде што бев порано, додаде Вон. дс

Фото: Архива