Волонтерска акција на Советот на млади од Крива Паланка
- Општинскиот Совет на млади од Крива Паланка поддржан од волонтери и ентузијасти, денеска реализираше акција за уредување и обнова на големиот летниковец на новиот пат кон манастирот „Св. Јоа
![Волонтерска акција на Советот на млади од Крива Паланка](https://new.mia.mk/index.php/images/20221104231823_big_730x400_7.webp )
Крива Паланка, 24 октомври 2020 (МИА) – Општинскиот Совет на млади од Крива Паланка поддржан од волонтери и ентузијасти, денеска реализираше акција за уредување и обнова на големиот летниковец на новиот пат кон манастирот „Св. Јоаким Осоговски“.
-Иницијативата е на Совет на млади, материјалите беа обезбедени од страна на општината и тоа: дрвени материјали, бои и четки, заковки и завртки, ракавици и најлонски кеси, се што беше неопходно за комплетна реализација на акцијата. Вклучени беа вкупно шестмина, пет волонтери и јас, изјави претседателот на Совет на млади, Крива Паланка, Александар Величковски.
![Совет на млади Крива Паланка](/articles/images/volonterska-akci-a-na-sovetot-na-mladi-od-kriva-palanka/3xvruT1DK/placeholder.webp?use_watermark=0)
За целокупна реализација на активноста биле ангажирани нешто повеќе од четири часа.
-Работата ни одзема околу четири и пол саати. Морам да признаам дека објектот го затекнавме во очајна состојба, за што сведочат и сликите пред нашата акција, затоа апелираме до сите коишто го користат објектот, да се однесуваат домаќински и да не го руинираат за да може сите заедно да уживаме во него. Деновиве следува акција за расчистување и собирање на отпадоците околу самиот летниковец, нешто што денес не успеаме да го завршиме, а планирани се уште акции во коишто може да се приклучат сите заинтересирани, додаде Величковски.
Посочи дека тековно се работи и на реализација на годишната програма за 2020, која е видоизменета поради Ковид-19 пандемијата.
-Контактираме со младинска организација од Скопјеc за организирање обуки и работилници за младите од општината, со Општински Совет за безбедност во сообраќај - Битола и градежен факултет, Скопје, но не е прецизирана временската рамка за кога би се одвивале овие активности, дополни Величковски. ид/ац/