Воената хунта во Мјанмар ослободи над 2.000 политички затвореници
- Воената хунта во Мјанмар вкупно ослободи 2.296 затвореници, кои се спротивставуваа на воениот удар извршен на 1 февруари
![Воената хунта во Мјанмар ослободи над 2.000 политички затвореници](https://new.mia.mk/index.php/images/20221107135722_big_730x400_32.webp )
Непјидо, 1 јули 2021 (МИА) - Воената хунта во Мјанмар вкупно ослободи 2.296 затвореници, кои се спротивставуваа на воениот удар извршен на 1 февруари.
Поголемиот број од уапсените бае обвинети за поттикнување на немири и неприфаќање на воената власт. Обвиненијата против ослободените лица се отфрлени.
Тоа е второ ословодување откако во март беа ослободени 628 политички затвореници.
Пет месеци по воениот удар, мјанмарската армија нема целосна контрола врз земјата, а во неколку региони продолжуваат протести. Во судирите помеѓу армијата и демонстрантите досега загинаа 883 луѓе.
Армијата на Мјанмар на 1 февруари со воен удар ја презеде власта од легално избраната премиерка Аунг Сан Су Чи, тврдејќи дека изборите во ноември 2020 година биле фалсификувани.
Аунг и другите претсатвници на соборената влада остануваат во затвор. ми/