ВМРО-НП: Треба да се задржи летното сметање на времето
- 26 октомври 2022
![ВМРО-НП: Треба да се задржи летното сметање на времето](https://new.mia.mk/index.php/images/20221114013351_big_730x400_38.webp )
26 октомври 2022
ВМРО-Народна партија во контекст на промената од летно во зимско сметање на времето смета дека треба да се задржи летното сметање, а не како што беше досега праксата со смена на зимско сметање на времето.
Сакаме да ја потсетиме македонската јавност дека воопшто промената на летното и зимското сметање на времето е со цел на добивање на еден час повеќе дневна светлина што значи и поголема заштеда на енергијата.
Северна Македонија од тој еден час повеќе дневна светлина досега доброволно се откажуваше и покрај тоа што географската позиција ни овозможува без проблем да го имаме тој час повеќе дневна светлина.
Но со оглед на актуелната енергетска криза која владее во Европа и во Северна Македонија сметаме дека овој пат тој луксуз не треба да си го дозволуваме.
Значи останувањето на летното сметање на времето за македонските граѓани значи еден час повеќе дневна светлина и еден час заштеда на енергетски трошоци што е исклучитечно важно во овој временски период.
ВМРО-Народна партија
___________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.