Владата ја разгледа и усвои Информацијата за дуално образование
- Владата на денешната седница, ја разгледа и усвои и Информацијата за дуално образование, предложена од Министерството за образование и наука. Согласно заклучоците, се очекува Економско – социјалниот совет, да даде конкретни предлози за стимулирање на компаниите, вклучени во процесот на дуалното образование.
![Владата ја разгледа и усвои Информацијата за дуално образование](https://new.mia.mk/index.php/images/20230418165451_big_730x400_45.webp )
Скопје, 18 април 2023 (МИА) - Владата на денешната седница, ја разгледа и усвои и Информацијата за дуално образование, предложена од Министерството за образование и наука. Согласно заклучоците, се очекува Економско – социјалниот совет, да даде конкретни предлози за стимулирање на компаниите, вклучени во процесот на дуалното образование.
Во учебната 2022/2023 година, соопштија од владината прес-служба, според Информацијата од Министерството за образование и наука, дуално образование се реализира во 61-но средно стручно училиште низ државава, во 225 паралелки со 2.763 запишани ученици и во соработка со 450 компании.
Во учебната 2022/2023 година, соопштија од владината прес-служба, според Информацијата од Министерството за образование и наука, дуално образование се реализира во 61-но средно стручно училиште низ државава, во 225 паралелки со 2.763 запишани ученици и во соработка со 450 компании.
- Во Конкурсот за запишување ученици во јавните средни училишта за учебната 2023/2024 година, предвидено е зголемување на бројот на дуални паралелки и соработка со над 500-тини компании, се посочува во соопштението.
Проектот за дуално стручно образование, којшто се води по германски терк, официјално започна од септември, 2017 година, а целта е придонес кон зголемување на вработливоста на младите и продуцирање кадри со соодветни вештини и компетенции, оспособени да влезат на пазарот на трудот, веднаш по завршување на средното стручно образование.
Со ова се постигнува и намалување на јазот помеѓу понудата и побарувачката на работна сила на пазарот на труд. цр/ев/
Фото:Влада на Република Северна Македонија