Вицепремиерката Грковска на молитвениот појадок во Вашингтон
- Во рамки на посетата на САД, вицепремиерката Грковска ќе има средба и со заменик-помошникот државен секретар на САД и специјален претставник за Западен Балкан, Габриел Ескобар, како и со Брус Шварц, заменик-помошник на Јавниот обвинител на САД. Предвидени се средби и со високи претставници на Меѓународната програма за лидерство на Стејт Департментот и на Бирото на УСАИД за демократија, човекови права и управување.
![Вицепремиерката Грковска на молитвениот појадок во Вашингтон](https://new.mia.mk/index.php/images/20240131165303_big_730x400_36.webp )
Скопје, 1 февруари 2024 (МИА) - Вицепремиерката задолжена за политики за добро владеење, Славица Грковска која е во посета на Соединетите Американски Држави, денеска ќе присуствува на традиционалниот молитвен појадок во Вашингтон.
Во рамки на посетата на САД, вицепремиерката Грковска ќе има средба и со заменик-помошникот државен секретар на САД и специјален претставник за Западен Балкан, Габриел Ескобар, како и со Брус Шварц, заменик-помошник на Јавниот обвинител на САД. Предвидени се средби и со високи претставници на Меѓународната програма за лидерство на Стејт Департментот и на Бирото на УСАИД за демократија, човекови права и управување.
Вицепремиерката Грковска во Вашингтон ќе учествува на безбедносен форум посветен на штетното кинеско и руско влијание на Балканот, а на посебен настан на Универзитетот Џон Хопкинс, со аналитичарот Едвард Џозеф ќе дискутира на тема „Зошто е толку тешка борбата против корупцијата во мојата земја“. мч/аа/
фото: Влада на РСМ