Винотека со вина од семејни винарници отворена во Неготино
- Винотека со вина од семејни винарници беше отворена вечерва во Желкова куќа во Неготино, проект на локалната самоуправа и неготинските фамилијарни винарници.
![Винотека со вина од семејни винарници отворена во Неготино](https://new.mia.mk/index.php/images/20221113160257_big_730x400_13.webp )
Неготино, 15 јуни 2022 (МИА) - Винотека со вина од семејни винарници беше отворена вечерва во Желкова куќа во Неготино, проект на локалната самоуправа и неготинските фамилијарни винарници.
- Обезбедивме и патокази што го означуваат патот до секоја од семејните винарски визби во општината, поставивме и вински билборд на влезот во градот. Целта е развој на винскиот туризам. Се надеваме дека ќе привлечеме повеќе вински туристи, рече неготинскиот градоначалник Горан Стојанов, посакувајќи им голем успех на производителите на вино.
![thumbnail_IMG_20220615_192707](/articles/images/%d0%b2%d0%b8%d0%bd%d0%be%d1%82%d0%b5%d0%ba%d0%b0-%d1%81%d0%be-%d0%b2%d/5nN90zgD6/placeholder.webp?use_watermark=0)
Од името на малите семејни винарници, благодарност за реализираниот проект, до општината, искажа Ѓорѓи Томов, од винарница „Томов“. Тој изрази надеж за уште многу други заеднички проекти. свд/сст/