Видал се согласи за условите во договорот со Интер
- Фудбалерот за врска на Барселона, Артуро Видал, би можел да стане дел од Интер, објави новинарот Николо Скира на Твитер.
![Видал се согласи за условите во договорот со Интер](https://new.mia.mk/index.php/images/20221104184814_big_730x400_49.webp )
Милано, 30 август 2020 (МИА) – Фудбалерот за врска на Барселона, Артуро Видал, би можел да стане дел од Интер, објави новинарот Николо Скира на Твитер.
Претставниците на италијанскиот тим се договорија за условите со Чилеанецот.
Триесет и тригодишниот Видал игра за Барселона уште од 2018 година. Неговиот сегашен договор трае до 30 јуни 2021 година.
Во две сезони во дресот на Каталонците, тој одигра 96 натпревари, постигнувајќи 11 голови и 10 асистенции. зс/