Ријад, 2 јануари 2025 (МИА) - Шпанскиот рели возач, ветеранот Карлос Саинц објави дека се чувствува подготвен да се обиде да ја одбрани титулата на легендарното рели Дакар што почнува утре.

Саинц пред една година стана најстариот победник на трката и во исто време донесе прва титула за Ауди. Сега таткото на Формула 1 возачот Карлос Саинц Јуниор вели дека е во добра физичка форма и покрај тоа што неодамна стана дедо.

-Направив се што е во моја моќ за да бидам во добра физичка кондиција и ќе дадам се од себе за добро да се тркам. Моето очекување е пред се да се забавувам додека возам. Очекувам дека нема да имаме многу проблеми со болидот и ќе се бориме за победа. Среќен сум што сум тука“, рече Саинз еден ден пред почетокот на релито Дакар на презентацијата на неговиот нов автомобил Форд Рептор.

Релито Дакар 2025 година ќе се одржи од 3 до 17 јануари во Саудиска Арабија. Пилотите ќе треба да поминат вкупно 5.115 километри. дс

Фото: Принтскрин