Лондон, 6 јануари 2025 (МИА) - Вест Хем веќе донел одлука да се раздели со менаџерот Хулен Лопетеги, тврдат голем број англиски медиуми.

Според „Дејли мејл“, тимот од Лондон веќе преговара со Греам Потер за негова замена. Весникот објави фотографија од Потер во разговор со техничкиот директор на „чеканите“ Тим Стајнтен. Потер е кандидат број 1 за оваа функција, за која се бори и Стив Купер.

Лопетеги пристигна во клубот летото, но тимот настапува прилично разочарувачки. Вест Хем е на 14. место во поредокот и покрај тоа што направи сериозна летна селекција.

Според медиумите на Островот, веќе е одлучено тој да добие отказ, а индикативен беше фактот што Стајтен во последно време не ја посетил тренинг базата на клубот и се оградил од Лопетеги.

Неговото однесување беше слично кога „чеканите“ решија да се разделат со Дејвид Мојс. дс

Фото: Архива