Верстапен ја освои пол-позицијата за ГН на Кина
- Возачот на Ред Бул, Макс Верстапен, ја освои пол-позицијата во квалификациите за Големата награда на Кина.
![Верстапен ја освои пол-позицијата за ГН на Кина](https://new.mia.mk/index.php/images/20240420114338_big_730x400_33.webp )
Шангај, 20 април 2024 (МИА) - Возачот на Ред Бул, Макс Верстапен, ја освои пол-позицијата во квалификациите за Големата награда на Кина.
Верстапен извози најбрз круг со време 1:33.660 минута. Неговиот тимски колега Серхио Перез го освои второто место, а возачот на Астон Мартин Фернандо Алонсо го освои третото место.
Луис Хамилтон од Мерцедес кој спринтот го заврши на второто место не успеа да излезе од првиот сегмент, завршувајќи на 18. позиција.
На спринтот победи Верстапен.
Големата награда на Кина од Формула 1 шампионатот ќе почне утре од 9 часот по македонско време. зс/
Фото: ЕПА