Верстапен: Хамилтон е еден од најголемите во историјата
- Актуелниот шампион во Формула 1, Макс Верстапен искажа комплименти за големиот ривал Луис Хамилтон, но и за другите кандидати за највисок пласман во претстојниот шампионат.
![Верстапен: Хамилтон е еден од најголемите во историјата](https://new.mia.mk/index.php/images/20230204170309_big_730x400_43.webp )
Лондон, 4 февруари 2023 (МИА) – Актуелниот шампион во Формула 1, Макс Верстапен искажа комплименти за големиот ривал Луис Хамилтон, но и за другите кандидати за највисок пласман во претстојниот шампионат.
- Хамилтон е еден од најголемите возачи во историјата. Секако, ако машината дозволи, тој е способен повторно да се бори за титулата. Но, истото важи и за Џорџ Расел, Шарл Леклер и Нандо Норис. Ако им дадете добар болид што може да го освои шампионатот, тие можат да го направат тоа. Сепак, со таква машина доаѓа притисок - не можете да направите сериозни грешки. Во исто време, сигурен сум дека сите овие момци имаат доволно талент за ова“, изјави Верстапен.
Триесет и осумгодишниот Хамилтон има седум титули, додека Верстапен од Ред Бул ги освои последните две шампионски титули.
Новата сезона во Формула 1 ќе почне првиот викенд во март со трката за Големата награда на Бахреин. зс/