Верстапен победи на трката за Големата награда на Саудиска Арабија
- Возачот на Ред Бул, Макс Верстапен, победи на денешната трка од Формула 1 шампионатот возена за Големата награда на Саудиска Арабија.
![Верстапен победи на трката за Големата награда на Саудиска Арабија](https://new.mia.mk/index.php/images/20240309202637_big_730x400_47.webp )
Џеда, 9 март 2024 (МИА) - Возачот на Ред Бул, Макс Верстапен, победи на денешната трка од Формула 1 шампионатот возена за Големата награда на Саудиска Арабија.
Второто место му припадна на тимскиот колега на Верстапен, Серхио Перез. Трет беше возачот на Ферари, Шарл Леклер од Ферари.
Другиот возач на Ферари, Оливер Бирман, кој го имаше своето деби во Формула 1 заменувајќи го Карлос Сајнц, заврши на седмото место.
Верстапен ја освои својата втора победа на првите две трки од сезоната. Холанѓанецот го освои шампионскиот трофеј во последните три Формула 1 сезони. зс/
Фото: ЕПА