Верстапен победи на трката за ГН на САД
- Пилотот на Ред Бул, Макс Верстапен е победник на трката за Големата награда на САД возена вечерва во Остин.
![Верстапен победи на трката за ГН на САД](https://new.mia.mk/index.php/images/20221108210240_big_730x400_87.webp )
Остин, 24 октомври 2021 (МИА) – Пилотот на Ред Бул, Макс Верстапен е победник на трката за Големата награда на САД возена вечерва во Остин.
За Холанѓанецот ова е 18 победа во неговата кариера во Формула 1 шампионатот, додека за Ред Бул 200 подиум.
Втор на целта пристигна возачот на Мерцедес, Луис Хамилтон кој заработи и дополнителен поен за најбрзиот круг.
На третото место е уште еден претставник на Ред Бул, Серхио Перез.
Бодови во Тексас освоија и: Шарл Леклер (Ферари), Даниел Рикардо (Мекларен), Валтери Ботас (Мерцедес), Карлос Саинц (Ферари), Ландо Норис (Мекларен), Јуки Цунода (Алфа Таури) и Себастијан Фетел (Астон Мартин).
Во Генералниот пласман лидер е Верстапен со 287,5 бода, Хамилтон е втор со 275,5, трет е Валтери Ботас со 185.
Кај пласманот за конструктори, Мерцедес е прв со 460,5 бода, пред Ред Бул со 437,5 и Мекларен со 254.
Следната етапа од Формула 1 шампионатот е од 5-7 ноември во Мексико. зс/
![ф1 остин](/articles/images/%d0%b2%d0%b5%d1%80%d1%81%d1%82%d0%b0%d0%bf%d0%b5%d0%bd-%d0%bf%d0%be%d0/daTPb9Iut/placeholder.webp?use_watermark=0)