Лондон, 3 септември 2021 (МИА) - Поранешниот тренер на Арсенал, Арсен Венгер изјави дека напаѓачот на Борусија Дортмунд, Ерлинг Халанд наскоро ќе се пресели во клуб од Премиер лигата. - Верувам дека ова ќе се случи. Премиер лигата е многу силна лига економски. Англискиот фудбал доминира затоа што има многу пари и најдобрите фудбалери секогаш ја бараат најдобрата можност да заработат што е можно повеќе. Халанд ќе биде следниот голем стрелец по Мбапе. Тој е многу талентиран. Неговите амбиции, желбата за гол и борба за топката говорат сами за себе. Сака да победува, има квалитети да стане голем напаѓач, изјави Венгер за „Goal“. Во сезоната 2021/22, Халанд одигра пет натпревари за Борусија Дортмунд, постигнувајќи шест гола и три асистенции. Порталот „Transfermarkt.com“ ја проценува вредноста на 21-годишниот Норвежанец на 130 милиони евра. зс/