Велика Британија се подготвува за повеќе немири, премиерот свика итен состанок на „Кобра“
- Британскиот премиер Кир Стармер свикува денеска уште еден состанок на владиниот комитет за итни случаи, познат како „Кобра“, јави ДПА.
![Велика Британија се подготвува за повеќе немири, премиерот свика итен состанок на „Кобра“](https://new.mia.mk/index.php/images/20240808183813_big_730x400_93.webp )
Лондон, 8 август 2024 (МИА) - Британскиот премиер Кир Стармер свикува денеска уште еден состанок на владиниот комитет за итни случаи, познат како „Кобра“, јави ДПА.
Стармер ќе одржи трет таков состанок во изминатата недела, откако синоќа не се остварија предвидувањата за дополнителни немири во земјата.
Средбата се одржува по 20 демонстрации и се очекува вечерва да се одржат три контрапротести ширум земјата, соопшти Националниот совет на началниците на полицијата.
Повеќе од 160 демонстрации беа планирани за синоќа, но само 36 се одржаа со „минимални нарушувања и само неколку апсења“, соопшти Советот.
Во него се додава дека вкупниот број на уапсени во врска со немирите што избија по убиството на три девојчиња во англискиот град Саутпорт на 29 јули достигна 483. Полициската управа попладнево потврди дека досега биле поднесени 149 пријави, со бројот што се очекува „да продолжи значително да се зголемува“. Насилството сега е главно под контрола.
-Сега е важно да не се опуштиме, затоа подоцна денеска ќе одржам уште еден состанок на „Кобра“ со полициските службеници и високи полициски службеници за да размислам за минатата ноќ, но и за нашите планови за наредните денови, рече тој Стармер за време на посетата на џамијата во градот Солихал.
Стармер додаде дека минатата ноќ поминала „подобро од очекуваното“ и сугерираше дека дополнителната полициска сила и брзите пресуди за вклучените во немирите биле причината да нема немири.
-Ние успеавме да покажеме дека нашиот кривично-правен систем работи брзо. Вчера ги видовме казните на инволвираните во нередите од пред неколку дена, од кои некои добија и до три години. Испрати многу силна порака, рече премиерот. мс/
фото: ЕПА