Велика Британија бара објаснување од Русија за наводната смрт на Британец заробен во Украина
- Велика Британија „итно бара објаснување“ по објавата дека во притвор починал Пол Уреј, Британец, заробен во Украина од страна на проруските сепаратисти.
![Велика Британија бара објаснување од Русија за наводната смрт на Британец заробен во Украина](https://new.mia.mk/index.php/images/20221113181255_big_730x400_74.webp )
Лондон, 15 јули 2022 (МИА) - Велика Британија „итно бара објаснување“ по објавата дека во притвор починал Пол Уреј, Британец, заробен во Украина од страна на проруските сепаратисти.
Британското Министерство за надворешни работи реагираше на објавата на локален функционер на самопрогласената Народна Република Доњецк, кој напиша дека Уреј починал на 10 јули од последици од „болест и стрес“.
- Итно бараме појаснување од руската Влада за медиумски извештаи дека британскиот хуманитарец починал во Украина, нагласи портпаролот на британското Министерство за надворешни работи. бд/паг/