Ватиканскиот надбискуп Пол Ричард Галагер на средба со министерот Османи
- Министерот за надворешни работи Бујар Османи денеска ќе има средба со секретарот за односи со државите на Светата Столица, надбискупот Пол Ричард Галагер, кој е во возвратна посета на Севе
![Ватиканскиот надбискуп Пол Ричард Галагер на средба со министерот Османи](https://new.mia.mk/index.php/images/20221113161233_big_730x400_13.webp )
Скопје, 18 јуни 2022 (МИА) - Министерот за надворешни работи Бујар Османи денеска ќе има средба со секретарот за односи со државите на Светата Столица, надбискупот Пол Ричард Галагер, кој е во возвратна посета на Северна Македонија.
МНР соопшти дека на средбата е предвидено да се разменат мислења за билатералните односи и перспективите за нивното натамошно унапредување, за најновите состојби и предизвици во процесот на интеграција на нашата држава во Европската Унија, заложбите за надминување на пречките за почеток на пристапните преговори, како и за руската инвазија на Украина и последиците врз европскиот континент.
По официјалната средба, предвидено е министерот Османи и надбискупот Пол Ричард Галагер да положат цвеќе на плочата на куќата на Мајка Тереза на градскиот плоштад.
![Галагер](/articles/images/%d0%b2%d0%b0%d1%82%d0%b8%d0%ba%d0%b0%d0%bd%d1%81%d0%ba%d0%b8%d0%be%d1%/9crjYdx0m/placeholder.webp?use_watermark=0)
Во рамки на посетата, надбискупот Галагер ќе биде примен и од претседателот на државата Стево Пендаровски. Галагер вчера имаше средба и со премиерот Димитар Ковачевски на маргините на Преспанскиот форум за дијалог во Охрид на која, како што информираше владината прес-служба, беше истакнато дека дипломатските односи меѓу Северна Македонија и Ватикан од нивното воспоставување бележат континуиран развој со високо ниво на меѓусебна доверба.
Покрај средбите со државниот врв, надбискупот Галагер ќе реализира и програма во организација на Католичката црква во Скопје. хс/лв/