Вархеји: Србија да продолжи со усогласување на визната политика со ЕУ
- „Имајќи ја предвид улогата на МВР, како и добрата соработка со европските институции во претходниот период, министерот Дачиќ посочи дека меѓу приоритетите на Србија се сузбивањето на нерегуларната миграција и заштитата на државната граница. како и борбата против шверцот и трговијата со луѓе“, се наведува во соопштението.
![Вархеји: Србија да продолжи со усогласување на визната политика со ЕУ](https://new.mia.mk/index.php/images/20240514173842_big_730x400_13.webp )
Белград, 14 мај 2024 (МИА) - Еврокомесарот за добрососедска политика и проширување, Оливер Вархеји, денеска изјави дека е важно да се продолжи со усогласување на визната политика на Србија со визната политика на Европската унија.
Вархеји ова го изјави во Белград на средбата со вицепремиерот и министер за внатрешни работи Ивица Дачиќ, соопшти надлежното министерство.
„Имајќи ја предвид улогата на МВР, како и добрата соработка со европските институции во претходниот период, министерот Дачиќ посочи дека меѓу приоритетите на Србија се сузбивањето на нерегуларната миграција и заштитата на државната граница. како и борбата против шверцот и трговијата со луѓе“, се наведува во соопштението.
Дачиќ подвлече дека Србија е подготвена да ја крене на повисоко ниво својата соработка со европските партнери, да работи на прашањето за илегалната миграција и постепено да ја усогласува својата визна политика со политиката на ЕУ.
Соговорниците разменија мислења за соработка во областа на преговарачкото поглавје 24 - правда, слобода и безбедност, особено во борбата против организираниот криминал, тероризмот и злоупотребата на дрога, се додава во соопштението. сд/
фото:МИА архива