Вардар ја прекина серијата порази во ЛШ, Њокас го истакна придонесот на тренерот Дејвис
- Македонскиот ракометен првак Вардар вечерва забележа победа на гостувањето во Франција кај Монпелје со 28:25.
![Вардар ја прекина серијата порази во ЛШ, Њокас го истакна придонесот на тренерот Дејвис](https://new.mia.mk/index.php/images/20221112052021_big_730x400_21.webp )
Монпелје, 16 февруари 2022 (МИА) – Македонскиот ракометен првак Вардар вечерва забележа победа на гостувањето во Франција кај Монпелје со 28:25.
„Црвено-црните“ ја прекинаа серијата од осум натпревари без триумф и седум порази по ред.
Францускиот интернационалец Оливие Њокас со пет голови е еден од најзаслужните за триумфот на Вардар. Тој го потенцира придонесот на тренерот Давид Дејвис кој е повратник во редовите на македонскиот шампион.
- Ова е одличен резултат. Секогаш е добро да се дојде и да се победи во Франција. Имавме многу разочарувачки почеток на сезоната, што воопшто не одговараше на нашите очекувања, но откако дојде Давид [Дејвис] му даде задача на секој играч и ние го направивме она што тој го побара од нас. Ова е еден добар резултат, но сега мора да продолжиме да победуваме, истакна Њокас.
Вардар со седум бодови од 11 натпревари се наоѓа на 6. место во А-групата од елитното ракометно натпреварување. зс/