Вандализмот во пораст на историските локалитети во Велика Британија
- Кражбата на вредно културно наследство и предмети од опортунистички криминалци и организирани криминални групи веројатно ќе продолжи да расте во согласност со влијанието на инфлацијата врз цените на стоките, се вели во најновиот извештај на државната агенција на Обединетото Кралство „Историска Англија“ и Советот на началниците на националните полиции.
![Вандализмот во пораст на историските локалитети во Велика Британија](https://new.mia.mk/index.php/images/20240313154317_big_730x400_30.webp )
Лондон, 13 март 2024 (МИА) - Кражбата на вредно културно наследство и предмети од опортунистички криминалци и организирани криминални групи веројатно ќе продолжи да расте во согласност со влијанието на инфлацијата врз цените на стоките, се вели во најновиот извештај на државната агенција на Обединетото Кралство „Историска Англија“ и Советот на началниците на националните полиции.
Во документот се наведува дека подметнување пожар, вандализам, графити и други облици на антисоцијално однесување претставуваат значајна закана за културното наследство на Велика Британија.
Извештајот препорачува дека е потребна подобра анализа на криминалот, бидејќи во моментов не постои стандардизиран систем низ полицијата, што ја ограничува нивната способност да ги разбере и да се бори против нив.
Истражувањето спроведено во текот на три години од 2020 година покажа дека кражбата на историски камења од културни објекти и локалитети се зголемила за девет проценти во 2022 година.
Еден вид камен популарен по својата боја и издржливост, „Јоркстоун“ често е мета на крадци кои го кинат од ѕидовите или подот на историските згради.
-Скршителите станаа многу организирани, маскирани во јакни со висока видливост за да изгледаат како работници, се вели во извештајот за неодамнешниот случај во кој тројца крадци го украле „Јоркстоун“ од осум цркви во Чешир и Ланкашир.
Во извештајот се посочува дека заканата од кражба на метални покриви од историските цркви, особено оловните, е зголемена за 41 отсто од воведувањето на карантинот за време на пандемијата на коронавирус.
Двајца крадци беа осудени на вкупно 10 години затвор во 2023 година за нанесување штета од 1,25 милиони фунти на 40 цркви.
-Неверојатно е тажно и болно што толку малку луѓе треба да ги третираат таквите скапоцени работи со толкав презир, рече извршниот директор на „Историска Англија“, Данкан Вилсон. мс/
фото: МИА архива