Нирегијаза, 18 јули 2021 (МИА/БТА) -  Бугарската репрезентација за девојки до 16 години освои бронзен медал на Европското првенство, што се одржува во Унгарија и Словачка, јави БТА. Во малото финале, Бугарките направија пресврт и победија со 3:2 (21:25, 20:25, 25:10, 25:20, 15: 6) над Турција. Одбојкарите на тренерот Дијан Бојуклиев ги загубија првите два сета со освоени 21 и 20 поени, но во преостанатите три им дозволија вкупно само 36 поени на Турците и го затворија натпреварот по 109 минути игра. Уште еден исклучителен натпревар одигра Ива Дудова (Марица Пловдив), која мечот го заврши со 41 поен - 33 од напади и 5 при сервиси. За Турција, Елем Јилмаз беше најкорисна со 19 поени. Денеска е финалето на Европското првенство - Русија против Италија.