Њујорк, 24 август 2020 (МИА) – Раководството на НБА тимот Бруклин ја разгледува можноста за назначување на Грег Попович на тренерската функција. Сан Антонио спарс на Поповиќ оваа сезона не изборија учество во плејофот, за прв пат од 1997 година. По завршувањето на сезоната, 71-годишниот тренер изјави дека тој ќе продолжи со тренерската професија. Се очекува Бруклин да биде еден од кандидатите за титула следната сезона. Во составот треба да се вратат повредените Кевин Дурант и Кајри Ирвинг. зс/