Тунис, 26 април 2022 (МИА) - Крајбрежната стража пронајде уште три тела во водите кај тунискиот град Сфакс, со што бројот на загинати од четири потонати бродови со африкански мигранти се искачи на 20. Несреќата се случи во саботата кога се превртеа четири брода со 120 африкански мигранти. Туниската крајбрежна стража во саботата објави дека спасила 98 мигранти. Брегот на Сфакс стана главна почетна точка за луѓето кои бегаат од конфликти и сиромаштија во Африка и на Блискиот Исток и бараат подобар живот во Европа. паг/