Британската истражувачка и научник Џејн Гудал доби „Барбика“ по својот лик и име
- Облечена во светлокафена кошула и бермуди, со тетратка в рака и двоглед околу вратот, куклата крај себе го има и Дејвид Грејбирд - првото шимпанзо кое му пришло на приматологот.
![Британската истражувачка и научник Џејн Гудал доби „Барбика“ по својот лик и име](https://new.mia.mk/index.php/images/20221113175738_big_730x400_40.webp )
Лондон, 12 јули 2022 (МИА) - Британската истражувачка и научник Џејн Гудал доби „Барбика“ по својот лик и име, со што ѝ се исполни долгогодишната желба да има ваква кукла којашто ќе ги инспирира младите девојки.
Компанијата „Мател“ ја претстави новата „Барбика“, за која производителот вели дека е направена од рециклирана пластика, како дел од серијата инспирација за жени, пофалувајќи ги револуционерните истражувања на Гудал за шимпанзата и напорите за нивно зачувување. Облечена во светлокафена кошула и бермуди, со тетратка в рака и двоглед околу вратот, куклата крај себе го има и Дејвид Грејбирд - првото шимпанзо кое му пришло на приматологот при истражувањата во Националниот парк Гомбе, денес во Танзанија во источна Африка.![](/articles/images/%d0%b1%d1%80%d0%b8%d1%82%d0%b0%d0%bd%d1%81%d0%ba%d0%b0%d1%82%d0%b0-%d0/xdl3jjff4/placeholder.webp?use_watermark=0)