Лондон, 28 септември 2024 (МИА) - Британските граѓани во Либан се повикани веднаш да ја напуштат земјата поради ескалацијата на насилството меѓу Израел и либанскиот Хезболах, јави ДПА.

Британското Министерство за надворешни работи вчера ги советуваше граѓаните на земјата да се качат на „следниот лет“.

„Работиме на зголемување на капацитетот и обезбедување места за заминување на британските државјани“, се додава во соопштението.

Граѓаните се повикуваат да се пријават на веб-страницата на Министерството за да добијат најнови информации.

Британскиот министер за одбрана Џон Хили вчера предупреди дека размената на воздушни и ракетни напади меѓу Израел и Хезболах може да доведе до ескалација со многу посериозни последици.

„Советите за патување остануваат исти - не одете во Либан. Ако сте во Либан, напуштете го, сè уште има комерцијални патнички летови за луѓето да можат да го сторат тоа“, рече Хили, нагласувајќи дека владата се подготвува за каков било потенцијален развој на ситуацијата. паг/

Фото: МИА архива