Бразил, 9 април 2025 (МИА) - Бразилскиот министер за комуникации Жозе Фиљо поднесе оставка откако обвинителството го обвини за проневера на јавни средства за време на неговиот мандат како заменик, објавија шпанските медиуми.

Во отвореното писмо објавено од неговата партија Бразилска унија, Фиљо рече дека неговата оставка е „гест на почит кон владата и бразилскиот народ“ и се бранел од обвиненијата.

Претходно, Основното обвинителство го поднесе своето обвинение против Фиљо до Врховниот суд, кој сега ќе одлучи дали ќе ги прифати обвиненијата.

Фиљо е член на кабинетот на претседателот Лула да Силва од 1 јануари.

Ова не е прва истрага со која се соочува Хозе Фиљо, бидејќи тој веќе е повикан да се појави пред Претседателската етичка комисија за наводна неправилна употреба на државните авиони. Министерот е под истрага и од Врховниот изборен суд за наводно давање лажни информации за неговиот имот за време на изборната кампања во 2022 година, кога доби нов мандат во Долниот дом на парламентот. мс/

фото: МИА архива