Бостон ги надмина Лејкерси и постави нов рекорд за најмногу титули во НБА
- Бостон изутрина на свој терен го победи Далас со 106:88 во петтиот меч од финалето на НБА и по 18-ти пат во историјата стана шампион.
![Бостон ги надмина Лејкерси и постави нов рекорд за најмногу титули во НБА](https://new.mia.mk/index.php/images/20240618075450_big_730x400_60.webp )
Бостон, 18 јуни 2024 (МИА) – Бостон изутрина на свој терен го победи Далас со 106:88 во петтиот меч од финалето на НБА и по 18-ти пат во историјата стана шампион.
Најпродуктивен играч на средбата беше домашниот играч Џејсон Тејтум, кој постигна дабл-дабл со 31 поен и 11 асистенции. Кај Маверикс се истакна Лука Дончиќ со 28 поени и 12 скока.
Селтикси серијата ја завршија со 4:1 во победи и сега имаат најмногу шампионски титули во историјата на лигата, надминувајќи ги Лејкерси, кои освоија 17.
Трет на оваа листа е Голден Стејт вориорс кои седум пати победувале во НБА плејофот.
Бостон претходно ги освои титулите во 1957, 1959, 1960, 1961, 1962, 1963, 1964, 1965, 1966, 1968, 1969, 1974, 1976, 1989, 1989, 1984, 1981.
Џејлен Браун беше прогласен за МВП на финалето. Дваесет и седумгодишниот Американец во серијата од пет натпревари имаше просек од 20,8 поени, 5,4 скока и 5 асистенции. зс/
Фото: ЕПА