Борбата против глобалното затоплување приоритет за израелската влада
- Израелската влада денеска соопшти дека борбата против глобалното затоплување ја определила како приоритет во областа на националната безбедност.
![Борбата против глобалното затоплување приоритет за израелската влада](https://new.mia.mk/index.php/images/20221108210303_big_730x400_58.webp )
Ерусалим, 25 октомври 2021 (МИА) - Израелската влада денеска соопшти дека борбата против глобалното затоплување ја определила како приоритет во областа на националната безбедност.
Израел најави и инвестиции во зелена енергија.
Пред Конференцијата на ОН за климатски промени (КОП26), владата на Нафтали Бенет наведе дека усвоила „многу одлуки за промовирање на употребата на чисти возила со ниска содржина на јаглерод“.
Коалициската влада на Бенет постави цел во јуни да ги намали емисиите на стакленички гасови за 27 отсто до 2030 година и за 85 отсто до 2050 година, во споредба со нивото од 2015 година.
Израелскиот премиер ќе учествува на Конференцијата на ОН за климатски промени, која ќе се одржи во Глазгов од 31 октомври до 12 ноември. паг/