„Боемска улица" вечерва во Кавадарци
- ,,Боемска улица" е насловен настанот што вечерва се реализира во Кавадарци, во организација на Здружението ,,Винотек" што се залага за промоција на производите од грозје и винскиот туризам, со поддршка на кавадаречката локална самоуправа.
![„Боемска улица](https://new.mia.mk/index.php/images/20240727192140_big_730x400_6.webp )
Кавадарци, 27 јули 2024 (МИА) - ,,Боемска улица" е насловен настанот што вечерва се реализира во Кавадарци, во организација на Здружението ,,Винотек" што се залага за промоција на производите од грозје и винскиот туризам, со поддршка на кавадаречката локална самоуправа.
- Боемска улица и боемско дружење се потребни на секоја урбана средина. Нашиот град Кавадарци има многу причини да ја има и да ја негува. Порано бевме познати по незаборавните серенади, што со времето згаснаа. ,,Боемската улица како настан што е поддржан од Општина Кавадарци, е дел од Кавадаречкото културно лето и на одреден начин ќе не врати и подсети на тие убави времиња. Очекуваме многу гости на улицата ,,Зелен пазар" во Кавадарци, каде со песна, поезија и дружба ќе се потсетиме на многу заборавени нешта, вели Јован Еленов, претседател на Здружението.
Тој најави и други интересни проекти за во иднина. свд/
Фото : МИА архива